- ჩხოროწყუს მუნიციპალიტეტის მერი ჯუმბერ იზორია, მერიის ინფრასტრუქტურისა და ზედამხედველობის სამსახურის წარმომადგენლებთან ერთად, სოფელ ლესიჭინეში საავტომობილო გზის მოწყობის სამუშაოებს გაეცნო.
ჩხოროწყუს მუნიციპალიტეტის მერიის ინფორმაციით, ლესიჭინეს ადმინისტრაციულ ერთეულში, რუსთაველის უბანში, საავტომობილო გზის მოწყობა ასფალტის საფარით ხორციელდება.
რუსთაველის უბანში 4 – კილომეტრიან მონაკვეთზე ასფალტის საფარის პირველი ფენა დაგებულია, მიმდინარეობს მეორე ფენის დაგებასთან დაკავშირებული სამუშაოები.
ასევე , ლესიჭინე-ფოცხოს დამაკავშირებელი გზის ერთკილომეტრიან მონაკვეთზე ასფალტირებული გზა დაიგება.
პროექტი მიმდინარე თვეში სრულად დასრულდება.
გზის სარეაბილიტაციო სამუშაოები, ასევე მიმდინარეობს სოფელ კირცხში, სარაქონის უბანსა და სოფელ თაიაში.