- ძლიერმა წვიმამ ჩხოროწყუს მუნიციპალიტეტში პრობლემები შექმნა.
ჩხოროწყუს მუნიციპალიტეტის მერიის ინფორმაციით, ადიდდა მდინარეები და ღელეები, დატბორილია რამდენიმე საცხოვრებელი სახლის პირველი სართული, ქუჩები, ეზოები, ყანები, თხილნარი. ჩამორეცხილია შიდა საუბნო გზები.
შემთხვევის ადგილზე მუნიციპალიტეტის მერი დათო გოგუა შესაბამის სამსახურებთან ერთად იმყოფება. შესაბამისი კომისიის მიერ მიმდინარეობს ზარალის დათვლა.