- ჩხოროწყუს მუნიციპალიტეტმა ასაკობრივ რეგიონულ სარაგბო ფესტივალს უმასპინძლა.
ფესტივალში მონაწილეობა 16 გუნდმა, 7-დან 12 წლამდე ასაკის 300-მდე ახალგაზრდა სპორტსმენმა მიიღო.
ფესტივალი საქართველოს რაგბის კავშირის, ჩხოროწყუს კომპლექსური სასპორტო სკოლის ორგანიზებითა და ჩხოროწყუს მუნიციპალიტეტის მერიის მხარდაჭერით გაიმართა.
ღონისძიების მიზანია ბავშვებსა და მოზარდებში ჯანსაღი ცხოვრების წესის დამკვიდრება, რაგბის პოპულარიზაცია, სპორტული უნარების განვითარება და გამოცდილების გაზიარება.
ღონისძიებას მუნიციპალიტეტის მერის მოადგილე თამარ ქობალია, საკრებულოს თავმჯდომარე ჯანო პერტაია, მერიის სპორტისა და ახალგაზრდობის საქმეთა სამსახურისა და რაგბის კავშირის წარმომადგენლები ესწრებოდნენ.
ინფორმაციას ჩხოროწყუს მუნიციპალიტეტის მერია ავრცელებს