ჩხოროწყუში აღმაშენებლისა და გობეჩიას ქუჩების რეაბილიტაცია მიმდინარეობს

  • ჩხოროწყუში აქტიურად ხორციელდება პრემიერ-მინისტრის ინიციატივით დაწყებული პროექტი “განახლებული რეგიონები“, რომლის ფარგლებშიც მიმდინარეობს ქალაქ ჩხოროწყუს აღმაშენებლისა და გობეჩიას ქუჩების რეაბილიტაცია.

სამეგრელო-ზემო სვანეთის სამხარეო ადმინისტრაციის ინფორმაციით, სამუშაოები მოიცავს სახელმწიფო და კერძო საკუთრებაში არსებული შენობების ფასადების, ტროტუარებისა და ცენტრალური სკვერის რეაბილიტაციას.

ამ ეტაპზე სკვერის მოწყობა მიმდინარეობს.

სამუშაოებს დღეს სამეგრელო ზემო- სვანეთის სახელმწიფი რწმუნებულის მოადგილე ლუდუკ ხაზია, რეგიონული პროექტების კოორდინირების სამსახურის უფროსი ნუგზარ გაბელია, მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი ადგილზე გაეცნენ.

„განახლებული რეგიონების“ სახელმწიფო პროგრამა მოიცავს ქვეყნის 63 მუნიციპალიტეტს და აფინანსებს ისეთი ტიპის პროექტებს, როგორებიცაა: მნიშვნელოვანი კულტურული თუ ისტორიული მემკვიდრეობის ობიექტების რეაბილიტაცია; მუნიციპალიტეტების ადმინისტრაციული ცენტრების რეაბილიტაცია; რეკრეაციული სივრცეების მოწყობა და რეკრეაციულ პარკებში შესაბამისი ტურისტული ინფრასტრუქტურის განვითარება; მუნიციპალიტეტისათვის მნიშვნელოვანი საზოგადოებრივი ობიექტების მშენებლობა; ქალაქების, კურორტებისა და დასახლებების ურბანული განახლების საპროექტო დოკუმენტების შემუშავება.